Gabriel Arestiren ondarea ezagutu
Gabriel Aresti (1933-1975) funtsezko figura dugu XX. mendeko euskal literaturan. Poeta, idazlea eta euskararen defendatzaile amorratua izan zen eta berak idatzitzako Harri eta Herri lana mugarritzat jotzen da euskal poesian. Erronka-joko honen bidez, ikasleek haren bizitza eta obra aztertuko dituzte, Bilboko idazlea hobeto ezagutzeko.
Webgune honetan erronka-jokoa egiteko materiala deskargatu ahal izango duzu. Jarduera ikastetxeko edozein gelatan egiteko modukoa da.
Erronka-jokoa 1. maila
DBH1-DBH2DBH1 eta DBH2ko ikasleentzat egokitutako bertsioa. Zailtasun ertaineko probak dira.
Erronka-jokoa 2. maila
DBH3-DBH4DBH3 eta DBH4ko ikasleentzako bertsio aurreratua. Konplexutasun eta sakontasun handiagoa edukietan.
📋 Irakasleentzako jarraibideak
📒 Materiala prestatzea
- Zure gelako mailari dagokion edukia deskargatu
- Probak A4 tamainako orrietan inprimatu (kopia bat ikasgela bakoitzeko)
- Inprimatutako probak gelako hormetan jarri ikasleak iritsi aurretik
- Talde bakoitzerako pisten sorta bat inprimatu (4-5 ikasle talde bakoitzeko)
- Talde bakoitzerako gutun-azalak prestatu: pistak, zelofan paper gorria, erantzun-taula, boligrafoa eta orri zuri bat.
🏁 Jardueraren hasiera
- Gela 4-5 ikasleko taldetan banatu
- Talde bakoitzari bere gutun-azala eman materialarekin
- Sarrera-bideoa proiektatu jarduera testuinguruan kokatzeko
- Erronka-jokoaren hasiera adierazi
- Aukerakoa: kronometroa martxan jarri denek ondo ikusteko lekuan, emozioa gehitzeko
Probak edozein ordenatan egin daitezke. Ikasleei eman aurretik, talde bakoitzeko gutun-azaleko probak modu desberdinean ordenatzea gomendatzen da.
🎓 Irakaslearen rola
- Adi egon eta talde bakoitzaren aurrerapena jarraitu
- Talderen bat proba batean trabatzen bada, pista txikiak eman, erantzuna argitu barik
- Jokoen erantzun zuzenak inprimatuta eduki, zeuk erraz ikusteko moduan
- Erantzunen dinamika aztertu eta ulertu, hobeto gidatu ahal izateko
- Ikasleak etengabe motibatu eta lorpenak ospatu
- Ziurtatu taldekide guztiek aktiboki parte hartzen dutela
🌟 Erronka-jokoen onurak hezkuntzan
- Elkarlanean oinarritutako ikaskuntza eta talde-lana sustatzen dute
- Pentsamendu kritikoa eta arazoen ebazteko gaitasuna garatzen dute
- Ikasteko motibazioa eta konpromisoa areagotzen dute
- Ikasleen arteko komunikazio trebetasunak hobetzen dituzte
- Ezagutza teorikoak egoera praktikoetan aplikatzeko aukera ematen dute
- Esperientzia atseginak sortzen dituzte, ikasitako errazago gogoratzeko
- Sormena eta albo-pentsamendua garatzen dituzte
- Denbora kudeatzea eta erabakiak presiopean hartzea sustatzen dute
